Persónuverndarstefna

Persónuverndarstefna þessi nær til appsins Karellen. Við notumst eingöngu við upplýsingar til þess að bæta þjónustu appsins eða veflausnar í heild. Með því að skrá sig inn í þjónustuna lýsir notandi því yfir að hann hafi lesið og skilið þessa liði.

Aðgangur og Notkun

Í appinu eru tvær tegundir af notendum sem skrá sig inn, foreldrar og starfsmenn leikskóla.

Foreldrar: Sækja um eftir formlegum leiðum hvers leikskóla fyrir sig.

• Upplýsingar í appi um notanda: Netfang, kennitala og dulkóðuð lykilorð.
• Textaskilaboð: Samskipti milli foreldris og leikskólans um barnið.
• Veikindi: Foreldrar tilkynna veikindi barna sinna í gegnum appið.
• Myndir: Foreldrar fá tilkynningar um myndir sem taggaðar eru af sínu barni og geta skoðað þær.
• Skoða upplýsingar: Foreldrar geta skoðað þær upplýsingar sem kennarar setja inn um barnið sitt.

Starfsmenn leikskóla: eru stofnaðir í kerfinu sjálfu af stjórnendum hvers leikskóla fyrir sig.

• Upplýsingar í appi um notanda: Netfang, kennitala og dulkóðuð lykilorð.
• Textaskilaboð: Samskipti milli þessa foreldra og leikskóla skráðra barna.
• Myndavél: Kennarar geta sett in myndir beint í appið og taggað börnin.
• Mæting: Kennarar skrá þegar krakkar mæta og fara.
• Svefn: Skráð hversu lengi barnið svaf.
• Máltíð: Skráð hvað barnið borðaði.
  

Söfnun Upplýsinga í Appinu

Aðgangur að myndavél á síma

Kennarar hafa þann möguleika á að taka myndir í gegnum Android og iOS öppin og merkja við ("tagga") hvaða börn koma fyrir á myndinni. Myndavélin er aðeins notuð í ofangreindum tilgangi.

Engar myndir eru sendar úr síma kennara nema kennarinn hafi sérstaklega samþykkt að myndin sé í lagi og að hún eigi að vera send (með því að smella á hnapp merktur "Senda/Send/Upload" eða álíka). Kennarar hafa líka þann möguleika á að velja og hlaða upp valdar myndir sem þegar eru til staðar á símanum.

Skráningar á villumeldingum

Af og til geta komið upp villumeldingar (e. errors/exceptions/crashes) við notkun á öppunum. Villumeldingar eru skráðar og sjálkrafa sendar til Premis í þeim tilgangi að hjálpa forriturum að greina villurnar og lagfæra þær.

Eftirfarandi upplýsingar geta komið fyrir í sendum villumeldingum:

• Helstu upplýsingar um það stýrikerfi sem appið er keyrt á. Meðal þeirra eru:
• Útgáfunúmer (e. version number)
• Tegund símtækis
• IP-tala notanda
• Öll þau gögn sem Karellen hefur sent appinu yfir vefþjónustuna, og öll þau gögn sem appið hefur sent Karellen yfir vefþjónustuna.
• Öll viðtekin "push notifications."
• Upplýsingar um þær aðgerðir sem notandi hefur framkvæmt í appinu áður en villumeldingin átti sér stað. Aðgerðir eru skilgreindar sem hnappasmell/touches, swipes, lyklaborðsskriftir á meðan appið er í forgrunni, og hvaða skjámynd er sýnileg notanda hverju sinni.

Villumeldingar eru aldrei sendar til þriðja aðila né geymdar á vefþjóni þriðja aðila.

Samskipti við Þrjðja Aðila

Karellen notast við Google Firebase Cloud Messaging og Apple Push Notification Service til að senda tilkynningar (e. notifications) í síma þeirra sem nota Karellen Android og iOS öppin.

Persónuupplýsingar geta komið fyrir í þeim tilkynningum sem við sendum og fara þessar upplýsingar í gegnum ofangreindu þriðja aðila.

Til forráðamanna:

• Full nöfn þeirra leikskólanemenda sem forráðamaður hefur umsjá yfir.
• Fullt nafn þann leikskólastarfsmanns sem sendir tilkynninguna.
• Hlekkir á myndir, m.a. af börnum.
  

Til kennara:

• Full nöfn allra forráðamanna sem hafa skráð börn í þeim leikskóla sem kennarinn starfar við, og nöfn allra barna í þeim leikskóla.
  

Breytingar á Persónuverndarstefnu

Þessi persúniverndarstefna gildir með tilliti til breytinga á ákvæðum í framtíðinni. Allar breytingar munu taka gildi strax eftir að hafa verið birtar á þessari síðu.

Við áskiljum okkur rétt til að uppfæra eða breyta persónuverndarstefnu okkar hvenær sem er og er það á ábyrgð notanda að athuga þessa stefnu reglulega. Áframhaldandi notkun á þjónustunni eftir að birt breyting á sér stað telst sem samþykki á nýjum reglum.

Ef verulegar breytingar eiga sér stað á þessari persónuverndarstefnu munum við tilkynna það með því að senda póst eða tilkynna það á áberandi hátt á vef okkar.

Ef þú hefur eitthverjar spurningar varðandi persúniverndarstefnuna skaltu hafa samband við okkur.

Síðast uppfært: 11. október 2017